常識篇4
當你尿道炎要留小便種菌，通常都係要留中間小便，即係MSU Mid-Stream Urine。唔該唔好同我Hae留，因為你只會浪費自己嘅時間同$。
話到明中間小便，即係唔要前唔要後。同埋我要去種細菌，所以你成個過程盡量要keep得好乾淨，唔可以亂掂入面個樽。你溝埋其他嘅細菌落去，個化驗所就一係會種左錯細菌令你食多咗/食錯咗抗生素，OR 佢會見到超級多唔同嘅細菌就知你Contaminate左❌。
嗱嗱嗱，我試過有個成日尿道炎嘅高層女士，十拿九穩咁同姑娘講佢識留中間小便。但係個Report返黎係話佢multiple contaminants㗎。唔好懶醒呀！一出成績表個下好𤓓㗎🙊！
同場加映：
唔少人問過用出面廁所🚽啲廁紙係咪會令到佢哋尿道炎？或者出面啲廁所，沖廁所嗰陣俾啲水反彈到會唔會一樣尿道炎？
其實個機會率係超級細。可能中六合彩仲易啲。我唔特別覺得呢文獻有提呢樣係尿道炎Common成因之一。當然大家都要衛生乾淨，但係唔洗過分擔心。
Search